Seba azadîya Rayberê Şarê Kurdî Abdullah Ocalanî 25ê hezîrana 2012î ra nata şaristanê Strasbourgî yê Fransa de Nobeta Azadîye yena kerdene. No hewte koma Oldenburgî ya Almanya nobete dewr girewte.

Hemsereka KON-MEDî Zubeyde Zumruta ke tewra çalakîya Nobeta Azadîye bîye, pare kerd ke heta ke tecrîd nêqedo Abdullah Ocalan azad nêbeno û vat: ''Eke Rayberîye azad nêba şer nêqedîyeno û îşxalê Kurdîstanî nêvindeno. Tek rayîrê vergirewtişê qirkerdişî esto; ganî şar wayîrê nê têkoşînî vejîyê.''

Zumrute da zanayene ke 3ê temmuze de vera faşîzm û îşxalî xeylêk şaristananê Ewropa de çalakîyî do bêrê kerdene û vat: ''Ma venga pêro şarê xo û dostanê xo danê ke tewrê nê çalakîyan bê. Roje roja yewîye ya. Pê ruhê Kobanê ma Kurdîstanî bipawê û faşîzmî Kurdîstanî ra vejê.''