Çalakîye rayberîya Merkezê Komelê Demokratîkî yê Kurdan û Meclîsê Cinîyan ê Bêrîtane de meydanê Rathausbruckî de ameye kerdene û çalakîye de pankarta bi nuşteyê 'Ocalanî rê azadîye, Kurdîstanî rê statu' ameye akerdene.

Temamîya çalakîye de ke 3 rojan dewam kerd aktîvîstan tecrîdê vera Ocalanî û qirkerdişê dewleta tirke yê bera Kurdîstanî ser o zanayîşî dayî.

Nameyê Meclîsê Cinîyan ê Bêrîtane ser o qiseykerdiş ame kerdene û ame vatene: ''Heta tecrîdê vera Rayberê Şarê Kurdî Abdullah Ocalanî nêqedo, hêrişê vera Kurdîstanî, qirkerdişê sivîlan nêqedê ma do meydanan de bibê.''

Eşkerayîye ra dima çalakîye qedîyaye.