Adil Sunger û Rûhat Tabak 5'ê Hezîran a 2016'î de Qendîl de rîyê hêrişanê teyareyanê şerî yê artêşa Tirkî ra şehîd bîbî. Sunger û Tabak Bajarê Zurîhî yê Swîsre de ameyî vîrardene. Vîrardiş hetê Têgêrayîşê Ciwananê Şorişgêran (TCŞ) û Komîsyonê Keyeyanê Şehîdan ra ame organîzekerdene û xeylî kesî tewrê ci bîyî.

Qiseykerdişêko  bi nameyê KOMAW’yî ame kerdene de bale ancîyaye muhîmîya rolê şehîdan ser û ame vatene ke bi girdkerdişê mucadeleyî waştişê şehîdan yenê ca. Dayîka şehîdî Îsmîhane zî qiseykerdişê xo de wina va: ’’Şehîdî roşnayîya rayîrê ma yê û nê mucadele de biyê hemrayê mergî. Ma bi şehîdanê xo yê ke rayîrê ma roşn kenê, sereberz ê.‘’ Dimayê qiseykerişê aktîvîstanê TCŞ û embazanê şehîdan  ê derheqê mucadeleyê şehîdan de  atkîvîte bi slogananê giredayîşê şehîdan û Ocalanî qedîyaye.