Bajarê Zurîhî yê Swîsre de Firat Şîmdî yo ke qezaya Artûklû ya Mêrdinî de şehîd bi, û bajarê Basele de şerwanê MLKP’yî Firat Şeran û Ozkan Sekman ê ke  Eskîşehîr de cuya xo vînî kerde, ameyî yadkerdene.

Firat Şîmdî (Rojger Tirej) lokalê CDK’yî yê Zurîhî de bi aktîvîteyêk ame yadkerdene. Pîya bi merdimanê Şîmdîyî xeylî Kurdistanijî tewrê aktîvîteyî bîyî. Qiseykerdişan de bale ameye antene destkewteyanê Kurdan ê ke bi bedelanê girdan ameyî destfînayene û ser û sozê girdkerdişê mucadeleyê şehîdan ame dayene. Bajarê Baselî yê Swîsre de zî bi aktîvîteyêk şerwanê MLKP’yî Firat Şeran û Ozkan Sekman ê ke  Eskîşehîr de cuya xo vînî kerde, ameyî yadkerdene. Qiseykerdişan de ame vatene ke faşîzm do bi xoverdayîş bêro rijnayene.