Bajarê Zurîhî yê Swîsre û bajarê Frankfûrtî yê Almanya de Kurdistanijî vera tecrîdê serê Rayberê Şarê Kurdî Abdullah Ocalanî reyna kuçeyan de bî.

ZURÎH

Zurîh de seba ke bale binacê grevê vêşanîye yê ke semedê wedartişê tecrîdê serê Ocalanî yenî domnayene, hetê însîyatîfê ciwanan ê Platformê Paştdayîşê Grevê Vêşanîye ra zîyaretkerdişê sazîyan ame organîzekerdene. Rêxistina Efî ya Mîyanneteweyî ya pîya xeylî rêxistinê bînî ameyî zîyaretkerdene û derheqê grevenê vêşanîye de dosyayîyî ameyî dayene.

FRANKFURT

Frankfûrt de zî bi çalakîyêk xoverdayîşê grevê vêşanîye ame silamkerdene û bêvêngîya Ewropa ameye şermezarkerdene. Meclîsanê Cinîyan ê Amara, Offenbach Sara û Hanau Nûjîne çalakîya hempare viraşte. Çalakwanan bi sloganan ard ziwanê ke waştişê Leyla Guvene waşitşê înan o û derheqê grevan de xeylî vilawekî vila kerdî. Qiseykerdişan de hukmatê Almanya û welatanê Ewropa ra ame waştine ke vera tecrîd û grevan bêveng memanê.