Fermandaro efsûnî yê kurdan Mahsum Korkmaz (Egîd) serra 1956î de qezaya Farqînî ya Amedî de dadîya xo ra bîyo. Hema ke qij bi keyeyê ey koçê merkezê Elihî bi. Egîd o kes bi ke reya verêne Êlih de karê şorişgêrîye kerdêne. Fermandar Egîd 1970 ra dima  binê tesîrê Têgêrayîşê Azadîye de maneno û bi rayîrê Mazlum Doganî tewrê Apogîran beno.

Fermandar Egîdî xebatê xo yê şorişgêrî verî êlih de dayî destpêkerdene. Ey vera pêro astengîyan bi îdeolojîyêka xorine xo reyde destkewteyê pîlî ardî. Ey çeleyê 1980î de verê xo da Kampa Filîstînî ya Lubnanî. Perwerdeyê 7 mengan ra dima bi mesuldarîyanê pîlan agêra Kurdîstanî. O çax Kemal Pîr û Fermandar Egîd kewenê dafika dewleta tirke. Kemal Pîr tepişîyeno la Egîd bi birîndarî xelisîyeno.

Mahsum Korkmazî serra ewile ya xo ya têkoşînê azadîye de raporo ke pêşkêşê PKKyî kerdo de wina vatbi: ''Farqîn de tewrbîyayîşê têgêrayîşê ma bi teerbîyayîşê ma dest pêkerd. Xora verî zî mi şorişgêrîye ra hes kerdêne la têkilîya mi ya bi têgêrayîşêkê sîyasîyî çin bi. Têkilîya mi ya bi têgêrayîşê ma 1977 de dest pêkerd. Na hemle ra dima netîceya cigêrayîş de ez agêraya zanistî û dewam kerd.'' 

Mahsum Korkmaz 1982 ra dima heta wisarê 1983î wexto ke xebatê agêrayîşê welatî kerdêne mîyanê koma amadekarîye de ca girewt, seba ke  yewinanê serkêşan ê şorişgêran biresno herêmanê Kurdîstanî rolêko aktîf kay kerd.

Erîfeyê 15ê Tebaxe de Fermandar Egîd seba endamîya Konseya Merkezî ya PKKyî ame weçînayene, seba ke Konseya Merkezî ya Hêzanê Xelisnayîşê Kurdîstanî (HRK) awan bikera ame weçînayene, erkê fermadarîya Tîma Propagandaya Leşkerîye ya 14ê Temmuze zî girewt xo mil.

Gama tewr girînge ya têkoşînê azadîye

Fermandar Egîdî plansazî û rêxistina Hemleya 15ê Tebaxe de rolêko pîl kay kerd. Ey çalakîye ra verî wina vatbi: ''Wa çew teberê planî de têmegêro, çeperê xo war meverdo. Guleyî wa bierzîyê hedefan ser. Medê heval û sivîlan ro. Her kome do erkê xo 3-4 reyna nîqaş bikera û biercna.''

Şerê gerîlayan 15ê Tebaxe de sereştişanê Dih-Şemzînanî de bi guleyê Fermandar Egîdî dest pêkerd. Zerrîya Egîfî pê heskerdişê merdiman dekerde bîye. Vera dîktatoryaya ke gonîya kurdan rijnayêne ey çeke weçînaye. Ey rê seba cuyêka rûmetêne xoverdayîşî rê ber rayîrêk nêmendbi. Têkoşînê Azadîye bi ruh û moralê 15ê Tebaxe resa heta nê rojan. 

Egîd bi rêxistinbîyayîş, dîsîplîn, çêrîya xo, nêzdîbîyayîşê xo  xeta milîtanîya Apogîran daye destpêkerdene. O tim vera kanwazîya ke erjî binpay kerdêne hêrsbîyaye bi. Ey çêrî daye embazanê xo, ters da dişmenî û xayînan. O tim bi hedefê dişmenî. Fermandar Egîd 28ê Adara 1986î de koyê Gabarî yê Şirnexî de netîceya komployêkê xayînî de şehîd bi.

Rayberê Şarê Kurdî abdullah Ocalanî şehadetê ey ra dima seba Egîdî wina vatbi: ''O mîyanê bêhêvîtîya tarîxê Kurdîstanî de bi çimeyê hêvîye.''

Fermandaranê efsanewîyan ê PKKyî ra Ş. Sari Îbrahîmî vat: ''O fermandarêko parekar, têduşt bi. O bi heman hawayî nêzdîyê her kesî bîyêne. Ey krîterran ra tawîzî nêdayêne. 

Rayêke şewe bîye, serd bi. Peynîya adare bîye la Koyê Gabarî reyna zî serd bi. Vewre varayêne. Embaz Egîdî tay rêçî dîyî û vat 'Nê rêçê dişmenî yê, ma bi baldarî têbigêrê.' Serkêşê baska ma Abdurrahman Lalayî bi. Embaz Egîdî reyde Kemal (Velî Tayhan) û Selîm (Fevzî Aydin) est bîyî. Rayraşîyayîş de nişka ra guleyî ameyî eştene. Ma kewtbî dafikê dişmenî û ma eştêne dişmenî ser. Verê ma de texteyêko pîl estbi. Dişmenî verê ma birnabi û no texte sey dafike ronabi. Nêmeyê şewe saete 2-3 bîye. Şerî qasê vîst deqayan-nêm saete dewam kerd. Dima ma xo verda cêrî. Embazî deşte de kom bîyî. Mi dî ke Metîn (Kalender Îlhan) birîndar o. 

Dima ke ma zî ameyî hûmaritiş dest pêkerd. Embaz Egid û Lezgîn çin bîyî. Embaz Metinî ra ber çew birîndar nêbi. Ma nêva qey Egîd şehîd bîyo. Ma vatêne qey embaz Metîn û Lezgîn kome ra abirîyayî û cayêkê bînî de yê. Şan heta xeberanê BBCyî ma cayê xo de vindertî. Embaz Egîd nêame. Ma wexto ke şan xeberê BBCyî goşdarî kerdêne ma eşnawit ke o şehîd bîyo. Rixmo ke hende serrî şîyî nêbîyayîşê embaz Egîdî hema zî tesîrê ma keno. Her wextî ra zafêr cayê ci aseno.''