1993 ra nata lezê berzbîyayîşê dengizî di qatan zêdîya

Goreyê raporêkê neweyî vurîyayîşê îklîmî ra wextê germîye zêdîyeno û asta berzbîyayîşê awa dengizî zî zêdîyena. Goreyê pisporan bi mîlyonan merdimê ke qeraxanê okyanusî de ciwîyenê, binê gefî de yê.

Rêxistina Meteorolojî ya Dinya (WMO) dîyar kerd ke 2020 ra nata asta awa dengizî qasê 10 mîlîmetreyan berz bîya û resaya astêka berzêre.

Bi weriştişê awa dengizî beno ke şaristan û welatê nêzdîyê dengiz û okyanusî bahozanê pîlan û laseran de têrî bimanê.

WMOyî raporê xo de vat ke lezê berzbîyayîşê dengizî 1993 ra nata qasê di qatan zêdîyayo. Sebebanê ney ra yew zî helîyayîşê koyanê cemedî yo. Gronland de 26 reyî parçeyê pîlî yê cemedî helîyayî û êlule de reya verêne tîya de varan vara.