Newala Rizî ya Çewlîgî  ke pê koyanê berzan heme heme çar serrewextan  yew ca de ciwîyena hedefê HESan de ya. Dewijê ke nêwazenê xozaya înan bêro çînkerdene semedê ameyoxê qicanê xo wayîrê  erdê xo vejîyenê.

Sey xeylêk cayanê Kurdîstanî Çewlîg de zî polîtîkaya talankerdişê vera xoza yena rayraberdene. Pê HESan yeno waştene ke wa herême bêro vengkerdene. Dewijî vera HESanê ke yenê plankerdene xover danê. Seba ke bêrê batalkerdene amedakarîya akerdişê dewa kenê.

Serekê Komeleya Pawitişê Mîrasê Kulturelî û  Hewzaya Sarimî Emîn Turhalliyî da zanayene ke Projeyê HESo ke wazîyeno serê Hewzaya Sarimî ya Dara Hênî de bêro viraştene do zerar bido sîstemê ekolojîkî.

Turhalliyî vat: ''Seba Projeyê HESî yê Hewzaya Sarimî ma Dara Hênî de ÇEDî reyde kombîyayîşêk kerd. 540 waştişnameyî dîyayî. La pêro waştişnameyê şarî ameyî mîyankerdene. Nika Çewlîg de vewre çin a. Eke vewre çin a awe zî çin a. Nê HESî bîyê sebebê çita ma nika vînenê. HES yeno manaya zuwabîyayîşê çimeyanê ma, çinbîyayîşê gandaran û rijîyayîşê sîstemê ekolojîkî. Ma hewceyê HESî nê hewceyê sîstemê awdayîşî yê. Ma nêwazenê xozaya ma bêra çinkerdene. ''