Qezaya Dara Hênî ya Çewlîgî de şewato ke 25ê hezîrane de destpê kerd  dewam keno. Sebebê şewatî hema bewlî nêbo zî xora yeno zanayene ke artêşa tirke her cayê Kurdîstanî de şewat vejena.

Şewat seba ke warê qereqolê Suvêranî de vejîyayo şikê şewat hetê leşkeranê tirkî ra ameyo vetene zî xurtêr keno.

Şewat dewanê Gaz, Şexismal û Xodanî ra vila bi. Tewr tay 20 cayê roniştişî şewatî ra zirar dî. Seba ke şewatî rê erey û kêm mudaxle ame kerdene şarê herême hersbîyaye yo.Şewat qeza ra 3 kîlometre dûrî de yo. Qismo pîl yê daristanî vêşa. Bitaybetî mintiqaya Koyê Sipî hema hema pêro vêşa.

Şewat ver bi Xereba û Avnîkî aver şino. Reyna kesa ra heta  jûjeyî û zerace ra heta hargûşî xeylêk ganîyan şewatî ra zirar dî.