Çimeyanê Munzurî de kerrayê mermerî yenê cakerdene

Çarçewa projeyê talankerdişê Çimeyanê Munzurî yo ke binê nameyê ''serûberkerdişê dormeyî'' de yeno rayaberdene de waro bimbarek de beton û kerrayê mermerî yenê cakerdene.

Çimeyê Munzurî yê Pulurî yê Dêrsimî yê ke semedê elewîyan bimbarek ê, pê destê dewlete seba rantî ameyî pêşkêşkerdene. Çarçewa projeyê talankerdişî yo ke 5ê tebexe de binê nameyê  ''serûberkerdişê dormeyî'' de ame destpêkerdene, rijyayîş dewam keno.

Xebatê rijyayîşê ke makîneyê karî zî yenê şuxulnayene de rixmê nêrazîbîyayîşê dêrsimijan û heme vervejîyayîşan yenê domnayene. Yeno plankerdene ke serê Çemê Munzurî de pirdî bêrê viraştene. Vera nêrazîbîyayîşan amebi vatene ke do tebîîya çimeyan  nêro xeripnayene la makîneyê karî kewtî cayo bimbarek û nika zî beton û kerreyê mermerî yenê şuxulnayene.