Projeyê santralê termîkî yo ke ameyêne plankerdene ke dewa Xelîfanî ya qezaya Kanîreşî ya Çewlîgî de bêro ronayene ame betalkerdene.

Bi rojan o çewlîgijî semedê pawitişê xoza û ganîyan vera santralî nêrazîbîyayîş mojnenê û veng danê ke wa no proje bêro betalkerdene.

7ê hezîrane de Dezgehê Mudirîya Pêroyîye ya Gurenayîşê  Komirî yê Tirkîya semedê nê santralî îhale kerdbi û  îhale hetê Ziver Înşaatî ra amebi girewtene.

Dîya zanayene ke seba ke bedelê îhaleyî kêm o hetê dezgehê eleqedarî ra ameyo betalkerdene. Nîno zanayene ke yewna îhale  do bêro kerdene ya nê.

Çewlîgian medyaya sanale de tagê ma Çewlîg de santralê termîkî nêwezanê ra da pêhesnayene ke proje ameyo betalkerdene û vat sebebê betalkerdişî pawitişê xoza û nêrazîbîyayîşê şarî mebo zî ê keyfweş ê ke santral nêvirazîyeno.