Dewa Marînosî ya Colemêrgî de 2007 ra nata karê madenî yenê kerdene. Şarî vera karanê madenî yê Şîrketa Sedex Resourcesî dest pê çalakîya nobete kerdbi. Nobete roja çarine de dewam kena.

Hemwelatîyan  selahîyetdaranê Walîtîya Colemêrgî û fîrma de pêvînayîşî kerdî û vat ke waştişê înan nêameyî qebulkerdene. Çalakîya dewijan reyde cendirmeyan zî herême de tedbîrê asayîşî zêdînayî.

Hemwelatîyê derûdorî zî paştî danê çalakîye.

Waştişê dewijan wina yê:

''Wa karê madenî vinderê, zerarê ke madenî dayê wa bêrê tazmînkerdene, warê dewijan sey verî bêrê awankerdene, texrîbatê madenî bêrê raştkerdene û war de darî bêrê ronayene.''