Qezaya Xozatî ya Dêrsimî de 9ê gulane de mewkîya Amutka de operasyono leşkerî dîya destpêkerdene. Leşkeranê tirkî daristan de şewat vet. Şeş rojî yo ke semedê hewnakerdişê şewatî mudaxaleyêk nîno kerdene.

Seba ke vera şewatî nêrazîbîyayîşî zêdîyenê Mudirîya Pêroyî ya Daristanî xeberê şewatî red kerdî. Walîtîya Dêrsimî vizêr bi eşkerayîyêke îdîa kerd ke şewat çîn o la şewat bi rojan o dewam keno.

Rojnamegerê ke şîyî herêma ke tede şewat esto, medyaya sanalî ra da pêhesnayene ke şewatê daristanî dewam keno. Rojnameger Yaşar Sezgîno ke herême de ciwîyeno vat rixmo ke hende rêxitinanê komenê sîvîlî û xoza semedê hewnakerdişê şewatî veng da, şewat hema zî dewam keno.