Koyê Cûdîyî, Gabar û herêma Besta yê Şirnexî de di serrî yo bi destê qoricîyan binê çimdarîya leşkeran de darî birîyenê. Besta de bi des hezaran darî hetê qoricîyan ra birîyayî û ameyî berdene.

Dîmenanê neweyan de aseno ke waranê Mila Kêrî, Kanîya Qeymeqamî, qeraxanê Awa Rûsorî û Pişta Reşa yê Şirnexî de bi des hezaran darî birîyayê û pê TIRan ameyê barkerdene.

Dîmenan de dîyeno ke warê daristanî bêdare mendo û bi hezaran ton darî erdî ser de yê. Darê ke birîyayê, TIRan de yenê barkerdene û no zî pîlîya talanî eşkera keno.

Darê ke birîyenê herêmanê cîyayan de roşîyenê û tay kesî bazirganîya ney kenê.