Şirnex de birnayîşê daran hetê qoricîyan ra binê çimdarîya leşkeran de yeno kerdene. Herême de talanê xoza zî binê nameyê 'cigêrayîşê madenî' de dewam keno. Dewanê Roboskî û Kirorî yê qezaya Qilebanî de her 100 metre de yew cigêrayîşê madenî est o. Herême de makînayê karî dekewenê heta leweyê koyan  û nê cayan de daristanan qir kenê.

Hafrîyatê cigêrayîşê madenê komirî zî erzîyeno xoza. Hefrîyato ke pêser beno herikîyeno kanîyanê awe. Kerrayê ke hafrîyatî ra lêr benê, daran rê zerar danê, herikîyayîşê kanîyan asteng kenê û awe herimnenê.