Silêmanî de yewinêka asayîşî bê xeberdayîş û belgeyêko fermî ramojnayîşî  eşt produksîyonê çapemenîye yê bi nameyê Kompanya Gizîngê Berbeyan ser û merkezê ci qefilna.

Kompanya Gizîngê Berbeyanî eşkerayîye daye û nê vatî: ''31ê kanûne de, roja peyêne ya serre de bi hemkarîya hêzanê asayîşê Silêmanî, hukmatê merkezî yê Iraqî,  hukmatê Herêma Kurdîstanî û dezgehanê asayîşî yê herême merkezê ma yê çapemenîye ame qefilnayene ke qet belgeyêko fermî nêame ramojnayene.

No qerar azadîya çapemenîye û heqanê merdiman bipay keno. Reyna verê xebetanê cinîyan ê kurdan yeno girewtene ke bi rayîrê çapemenîye paştî danê heqanê cinîyan.  Ma sey Kompanya Gizîngê Berbeyanî ke hewt serrî yo Herêma Kurdîstanî de falîyet rayra benê, nê qerarî red kenê.

Ma do tim paştî bidê cinîyan ê kurdan û destur medê ke venê pawitişê cinîyan bêro birnayene. No qerar têna azadîya îfadeyî binpay nêkerd yenî wextî de zirar da heqanê cinîyan ê herême.

Ma do semedê pawitişê heqanê cinîyan bi rayîranê fermîyan têkoşînê xo bidomnê.''