Xoverdayîşê Şervananê Meclîsê Leşkerî yê Minbicî yê vera dewleta tirke û çeteyanê ci dewam keno.

Goreyê eşkerayîya Meclîsê Leşkerî yê Minbicî başûr û rojhelatê bajarî de vizêrna nata mabênê şervanan û îşxalkeran de pêkewtişî qewimîyenê. Pêkewtişan de 72 çeteyî ameyî kiştene û bi desan çeteyî birîndar bîyî.

Eşkerayîye de ca dîya nînan: başûr û rojhelatê bajarî de vizêrna nata mabênê şervanan û îşxalkeran de pêkewtişî qewimîyenê. Xoverdayîşê hêzanê ma de yo ke vizêrna heta ewro serê sibayî dewam kerd, 72 çeteyî ameyî kiştene û xeylê zî birîndar bîyî: Cenazayê çeteyan kewtî destê ma. Ewro serê sibayî zî hêzanê ma wesayîtêk îmha kerd û xeylê çeke û teqaber fînayî dest. Yew ci tanq û diyê ci wesayîtê zirxînî hûmara wesayîtanê ke ameyî îmhakerdene bîyî 7. 

Dewleta tirke ya îşxalkere û çeteyanê ci bi tewrbîyayîşê bi seyan ozbek, tirkemn û çeçenan ke mensûbê rêxistina Huras El Dinî yê, hêrişê dewanê başûr û rojhelatê Minbicî kerd. Hêzanê ma cewabê hêrişan de bi desan çeteyî ameyî kiştene û birîndar bîyî.

5 droneyanê çekdaran ê dewleta tirke ya îşxalkere bi hetkarîya tanq û wesayîtanê zirxinan vizêr hêrişê dewanê Atşana, Seîdîn, Xirbe, Tiwênî, Mihşiye Şêx Ubeyd El Mistefa, Xirbe Zemala , Mistaha, Girê Syretel û Elûş de hêriş kerd. Netîceya xoverdayîşê şervananê ma de hêriş ame şiknayene û bi desan çeteyî ameyî kiştene

Hêzanê ma vera îşxalê dewleta tirke û çeteyanê ci têkoşîno xurt ramojna û rî bi bî vera înan têkoşîn kerd. Ma vizêr dimenê xoverdayîşê hêzanê xo pare kerdî.

Xeyrê xoverdayîşê hêzanê ma yê qehreman hêrişê çeteyan ame betalkerdene. Nê semedî ra dewleta tirke ya îşxalkere bi droneyanê çekdaran û teyarayan hêrişê vera Awbendê Tişrînî giranêr kerd. Netîceya nê de tay cayanê awbendî de xesar ame meydan.Nê hêrişî ziraranê vera awbend û dormeyê ci zêdînenê.

11 şervanî şehîd bîyî

Hêrişanê dewleta tirke û çeteyanê ci de 11 şervanê ma bi nuştişê destananê qehremanîye tewrê kerwanê şehîdan bîyî.