Îdareyê Xoserî yê Rojawanê Kurdîstanî bi eşkerayîyêke bale ante ser ke dewleta tirke ya îşxalkere bi hêrişanê xo binawanî û bînayanê xizmetê umûmîye kena hedef. 

Îdareyê Xoserî da zanayene ke dewleta tirke bi hêrişanê vera Awbendê Tişrînî Şaredarîya Curnîye, Fabrîkaya Şekerî ya Meskene û îstasyonanê ceyranî huqûqo mîyanneteweyî binpay kerdo. Îdareyê Xoserî vat: ''Dewleta tirke bi zelalî sûcan kena. Sere de dormeyê Minbicî de nê hêrişî vera pêroyê Rojawanî de dewam kenê.

Nê prosesî de şarê Sûrîye rê paştdayîş lazim o. Coka ganî dezgehê mîyanneteweyîyî vera nê sûcanê Tirkîya bigêrê.''

Îdareyê Xoserî vist vîrî ke Tirkîya Serêkanîyê de bi îşxalê xo mîlyonêk merdimî bêware verdayê û bi hêrişanê vera Awbendê Tişrînî zî kena ke krîzê merdimatîye xorin bikera. Îdareyê Xoserî waşt ke nê sûcanê xo ra dewleta tirke hesab bida.

Îdareyê Xoserî xoverdayîşê şerwanan zî selam kerd û dîyar kerd ke ê seba pawitişê şar û erdê Rojawanî qerardar ê.