Semedê girewtişê cenazayanê rojnamegeran Nazim Daştan û Cîhane Bîlgîn ê ke bi droneyê çekdarî yê dewleta tirke ameyî kiştene, vizêr heyetêk ver bi Başûrê Kurdîstanî kewt rayîr.

Heyetê ko te Wekîlê DEM Partî yê Mêrdînî Kamuran Turan, Komeleya Rojnamageran a Dicle Firat (DFG), Komeleya Huqûqnasan a Seba Azadîye (OHD), temsîlkarê rêxistinanê komelê sîvîlî û keyeyî  tede ca genê, şi Bêrê Sînorî yê Xebûrî ke qezaya Silopîya ya Şirnexî de yo.

Heyet sînor de bi bahaneyanê cîya cîyayan bi hewayêkê keyfî vizêrna yeno pawitene.

Kamuran Turanî vera astengkerdişê heyetî hêrsê xo ard ziwan û vat: ''No qerarêko keyfî yo. Heme medenîyetan de heqê her kesî est o ke bibo wayîrê mezelêkî ke erjo bimbarek û sembolê vîrardişî yo. Heqê her kes est o ke merdimanê xo bi tewirê bianorî defin bikero. Ganî no heq nêro binpaykerdene. No îşkence û zulm o. La se beno wa bibo ma qerardar ê ke ma do sînorî ravêrê û cenazayanê xo bigîrê.''