Endamanê TJK-Fyî banlîyoyanê Evry û Drancyî yê Parisî ra Wezîrîya Edaletî ya Fransa rê hezar mektubî şawitî û waşt ke Qirkerdişê Parisî yê 9ê Çeleyê 2013î û 23yê Kanûna 2022yî wa bêrê roşnîkerdene.

Endamanê Meclîsê Cinîyan ê Zîne û Meclîsê Cinîyan ê Çîçeke Botan hezar mektubî îmza kerdî, wezîrîye rê şawitî. Cinîyan waşt ke dewayanê Qirkerdişanê Parisî ser ra bira nimitişî wa bêra wedaritene.

Cinîyan îfade kerd ke ê do seba roşnîkerdişê wird qirkerdişan tim têkoşîn bikerê.