Dêrsim de semedê Gulîstane Doku ya ke 5ê çeleyê 2020î de Dêrsim de bîye vîne û reyna tira xebere nêameye girewtene û Rojîne Kabaîş ya ke 27ê êlula 2024î de Wan de vîne bîye û badê 18 rojan cenazaya ci ameye vînayene rayraşîyayîş ame kerdene.

Wendekaranê Unîversîteya Munzurî kampusê unîversîte de bi fotografanê Rojîne Kabaîş û Gulîstane Doku rayraşîyayîş kerd. Rayraşîyayîş de pankartê "Jin, jiyan, azadî" û " Cînayetê cinîyan polîtîk ê " ameyî kiriştene.

Wendekaran ra Rûkene Ecer vat: ''Qetilkerdişê Rojîne zî sey vînîkerdişê Gulîstane pabesteyê polîtîkayanê sîstematîkî yê şerê taybetî yê rejîmî yo û îdeolojîk o. Ma do hesabê heme embazanê xo yê ke ameyî qetilkerdene û vînîkerdene bipersê. Ma veng danê ke heme cinîyan ke wa vera qirkerdişê cinîyan bi zanayîşê xopawitişî xo rêxistin bikerî û têkoşînî xurtêr bikerê.''