Endamanê gerîlayan ê TEV-ÇANDî ANFyî rê qisey kerd û serrgêra 46ine ya ronîyayîşê PKKyî fîraz kerde.

Gerîlaya cinîye Edûlê Şahîn vat: ''Vejîyayîşê PKKyî seba pêro merdimatîye girîng o. Merdim wazeno bibo layiqê xoverdayîşî. Rixmê hêriş û îşxalî zî ma bi xebatanê ziwan û hunerî xîret kenê ke kulturê xo bidê pawitene. Ronîyayîşê PKKyî hêvîyêka pîle daye kurdan. PKK temsîlîya cinîya azade keno.''

Gerîla Agir Serhildanî vat: ''PKK awankerê kesayetê neweyî yê kurdî yo. Ganî ma nê tarîxî ra dersan bigêrê. PKK mîyanê pêro zehmetîyan de zî seba azadîya şarê ma têkoşîn keno. PKK hêz dano ma ke ma xebatanê xo bikerê û ameyoxê xo garantî bikerê. PKKyî kerd ke kurdî xo bişinasnê.''

Gerîla Delîl Demhatî vat: ''PKKyî tim kurdayetîye de, kurdkî de israr kerd. PKKyî bi mîlyonan kurdî resnayî nasnameyê înan ê esilî. PKK nasnameyê ma yo, estbîyayîşê ma nîşan keno. PKKyî ra nêbîyêne ma do çin bîyêne. Xoverdayîşo ke PKK keno cayêkê bînî de yew nimûneya ci çin a.''