Wekîlê HDPyî yê Çewlîgî Erdal Aydemîrî Meclîs de qisey kerd û bale ante talanê daristananê Çewlîgî ser.

Erdal Aydemîrî pare kerd ke Çewlîg de serranê peyênan de pê şantîye, HES û awbendan û şewatê daristana  xoza yena qirkerdene. Aydemîrî vat: ''Deweka Serînce ya dewa Lîçîkî ya qezaya Kanîreşî de 18ê temmuze ra nata darî birîyenê. Rixmê hende nêrazîbîyayîşê şarê Çewlîgî zî darî qurbanê rantî yenê kerdene. Seba xoza û weşîya waranê gandaran ganî cade nê birîyayîşê daran vinderê.''

Aydemîrî vernîyazêkê persan pêşkêş kerd û vernîyaz de nê persî ardî ziwan:

-Lîçîk de darî hetê kamî ra birîyenê?

-Sebebê birîyayîşê daran çita yo?

-Derheqê birîyayîşê daran de agahîye dîyaya Wezîrîya Xoza?

-Şima do seba vindarnayîşê birîyayîşê daran fermanêkî bidê?

-Aqîbetê daranê ke birîyayê çita yo? Şima do derheqê ney de agahîye bidê?

-Şima do vera ê kesanê ke xozaya Çewlîhî herimnenê têbigêrê?