Menga vîyarye de hingdarê Çewlîgî seba zimistanî şîbî qezaya Seyhanî ya Adana û axpînanê narencîye de ca bîyî. La  3 hezar hingeyî mîyanê 3 hewteyan de kuwareyan de merdî.

Hingdaranê vat: ''Mergê hingeyan rîyê çemî ra bi. Çem de awe çînêbî û  axu erzîya ci. Maseyî zî merdî û boye pixare ameyêne. Dima awe vera dîyaye la no çare nêbi.  Ganî nika cayê înan bêro bedilnayene tedawîya dermanî bêro kerdene la mabênê zimistanî de ma nêeşkenî ney zî bikerê.''

Hingdaranê çewlîgijan ard ziwan ke zerarê înan zaf pîl o la hema zî çewî vengê înan nêeşnawito û vat: ''Awa lêşine ra hingeyan nêweşîya 'nosema' girewte.  Bi nê hawayî bêguman vaya hingimênî zî do bizêdîya.''