Mersîn de 10ê çeleyî de bi operasyonê qirkerdişê sîyasîyî Hemşaredarê Akdenîzî Hoşyar Sariyildiz û Nurîye Aslan û Endamê Meclîsê Şaredarîye Ozgur Çaglar, Neslîhane Oruç, Yakup Daniş û Hîkmet Bakirhan ameybî destbendkerdene û ewro nê kesî sewqê Edlîyeya Mersînî ameyî kerdene.

Wekîlê DEM Partî, hemşaredarî zî tede bi hezaran kesan verê Edlîyeya Mersînî de destbendbîyayîşê Hemşaredaranê Akdenîzî û endamanê Meclîsê Şaredarîye protesto kerd.

Tîya de Hetkarê Hemserekanê DEM Partî Mehmet Rultu Tîryakîyî xîtabê girseyî kerd û vat: ''Bê qerarê qeyûman xebatkarî nêgêrîyenê şaredarîye la polîsî gêrîyenê. Derheqê embazanê ma yê destbendkerdeyan de ne tehqîqat est o ne zî sûcêkê înan est o. Dozgerîye zî îfade de çîyê viraşteyî pers kerdî.

Şahîdê/a nimite/yî vato ke endamê rêxistine gêrîyayê karî la delîlê ney çin o. Hemşaredarê ma seba ke verê qeyûman vejîyayê yenê muhakemekerdene. Ma seba ke wayîrê demokrasîyî vejîyê tîya de yê. Şima 40 reyî sindoqan ronê zî ma do ancî ser bikewê.''

Eşkerayîye bi sloganê ''Ma do bi xoverdayîşî ser bikewê'' qedîyaye.