Heyetê Rayberdişî yê Merkezî yê DEM Partî derheqê xespkerdişê Şaredarîya Akdenîzî de eşkerayîyêka nuştekîye daye.

Eşkerayîye wina ya:

''Hemşaredarê Akdenîzî Nurîye Aslan û Hoşyar Sariyildiz û endamê Meclîsê Akdenîzî Ozgur Çaglar, Neslîhane Oruç û Hîkmet Bakirhan bi fermanê îqtîdarî tepişîyayî. Şaredarîya Akdenîzî rê zî qeyûm ame tayînkerdene. Tepişîyayîşê embazanê ma zî bahaneya qeyûmî ya. 

Îqtîdarê AKP-MHPyî her ke bin keweno vera şarî şer keno. Îqtîdarî 2016î ra nata bi darbeyan tewr tay 100 şaredarîyanê ma rê qeyûmî tayîn kerdî, hemşaredarê ma tepiştî. Embazê ma seba ke temsîldarê şarî bîyê ameyî hedefkerdene.

Şaredarîya Akdenîzî rê tayînkerdişê qeyûmî tewirê vera îradeyê şarî ancî eşkera kerd. Şarê ma hayîdarê her çî yo. Coka weçînayîşanê 31ê adare de AKP bin kewt û eke na darbeya qeyûman dewam bikera hîna do bin bikewo.

Nê kerdişê hêrişwarî û provakatîfî do zerarê nê prosesê pêvînayîşan bikerê. Her ke şima hêrişê îradeyê şarî bikerê do bin bikewê! Vizêr senî ma xo ver da ewro zî do wina xo ver bidê. Ma do rixmê ferasetê darbe zî ser bikewê.''