Dewa Bezawûtî ya qezaya Xozatî ya Dêrsimî de Gulserene Gençturk bostanê xo de sebzeyan ramena û pê rotişê nê sebzeyan debara xo kena.

Gulserene îfade kena ke kênaya ci nêweşa şekerî ya û aye semedê peydakerdişê masrafê nêweşxaneyî dest pê nê karî kerd.

Gulserene vana: ''Bostan de verî xiyar û îsoyî vejîyenê dima zî firingî resenê. Par mi 40 kîlo firingî arê dayî la emser mi hende nêramit. Semedo ke ziwatîye esta erdê ma zî hende bereketin nîyo. Dima ke sebzeyê mi resenê ez semedê keyeyê xo tayêk verdena dima ê bînan bena Xozat de roşena. Ez sebze ra ber meyweyan ra zî îstîfade kena.''