Dewijanê Colemêrgî semedê heywananê xo dest pê amadekarîya zimistanî kerd. Şaristan de cografyaya koyîye û erdê kerrayînî ra semed zîret zaf kêm o. Şarê şaristanî zêdêr pê heywankarîye debara xo keno. Çunke ware, awe, dar û nabetê Colemêrgî semedê weyekerdişê heywanan îdeal ê.

Rahmî Çîftçîyî (45) ard ziwan ke o pê weyekerdişê heywanan debara xo keno û dewe de sey ey merdimî zaf ê.

Colemêrg de û qezayanê ci de xeylêk ware û dewekî bi bahaneya 'herêma asayîşî ya taybete' ameyê qedexekerdene. Semedê şîyayîşê wareyan gabî walî ra destûr bêro girewtene. Têna dewijê ke heywanan weye kenê eşkenê şorê wareyan. Dewijî hamnanan wareyan de manenê û vaşanê ke arê danê serê astoran de anê dewan.

Çîftçîyî vat: ''Colemêrg de weyekerdişê heywanan ra ber karêko bîn çin o. Ma vaşan arê danê, tayê ci danê heywanan, ê bînî zî kenê simêr. Çunke qewetê ma çin o ke ma vaşî bihêrînê. Verî her kesî heywanî weye kerdêne, verê berê her kesî de bi seyan heywanî estbîyî. La krîzê ekonomîkî ra weyekerdişê heywanan hînî karêko zêde nêdano merdiman.Semedo ke ma zêde zerar nêkero vaş û simêrî bi xo peyda kenê.''