Herêma Çixeke ya qezaya Xozatî ya Dêrsimî de hetê muteahît Mehmet Turanî ra darî ameyî qirkerdene.

Qirkerdişê daran bi sebebê nêrazîbîyayîşê dêrsimijan. Endamanê Komeleya Derûdor û Pawitişî ya Munzurî ke vera qirkerdişê daran hêrsê xo ard ziwan verê Mudirîya Xebitnayîşê Daristanî de ke desturê birnayîşê daran dayo, eşkerayîya çapemenîye daye û waşt wa birnayîşê daran bêro vindarnayene.

Temsîlkarê Komeleya Derûdor û Pawitişî ya Munzurî Yusuf Topçuyê ke çalakîye de qisey kerd nê vatî: “Bi des serran o ke coğrafyaya Dêrsimî de qirkerdişê daran dewam keno. Cografyaya Dêrsimî sera 27ê ci daristan o. Nê daristanan de bi seyan nebatê endemik û bi mîlyonan ganî est ê.”

Avûkat Bariş Yildirim zî vat," Birnayîşê winayênî goreyê huqûqî nîyê û ganî cade bêrê vindarnayene."