Platformê Kede û Demokrasîyî yê Dêrsimî verê Walîtîya Tunceli de bi eşkerayîyêke qirkerdişê heyewanan protesto kerd.

Bi nameyê platformî eşkerayîye hetê endama Partîya Çepa Hewze Nurşate Yeşil ra ameye wendene.

Yeşile ard ziwan binê nameyê ''seyd''î de heywanî yenê qirkerdene û vat: ''Wezîrîya Zîret û Daristanî bi îhaleyî her qeyde îmkanan dano seydwanano ke teberê welatî ra ameyî. Ewro bajar de şarê ma nêeşkeno şiro dewanê xo la semedê qirkerdişê heywananê koyîyan her qeyde  îmkanî est ê ke no hetê ma ra nîno qebulkerdene. Xozaya Dêrsimî de xeylêk tewirê ganî est ê ke neslê înan qedîyeno. Goreyê Pêkerdişê Bernî pezkovîyê estrîyinî zî tede xeylêk heywanê ke seba ke tay mendê,  gerîyayî binê pawitişî her serre cografyaya ma de yenê qetilkerdene. Binê nameyê 'seyd'î de qirkerdişê ganîyan hêrişê vera  bawerîye û  bimbarekîye şarê herême yo. Ma pêro pîya heqê cuye yê heme ganîyan bipawê û  bidê ciwîyayene.''