Polîtîkayanê şerî yê îqtîdarê AKP-MHPyî ra her ke şino krîzo ekonomîk beno pîlêr û giranêr. Tewr zaf zî dewij, citkar, rencber û karkerî binê tesîrê krîzî de manenê.

Dewa Pixamî ya qezaya Xozatî ya Dêrsimî de Înan Dogan 2016 de agêrayo dewa xo û dest pê heywankarîye kerdo.

Doganî da zanayene ke sey heywankeran ê zaf binê tesîrê krîzî de manenê û vat: ''Her roje zemê neweyî yenê, vayê sotamenî, benzî zedîyenê. Ma nêeşkenê simêrî bigêrê. Verî ma erazîyê bi 10 doniman ramitêne nika ma ancax erazîyê bi 5 doniman ramenê. La sil zî vay o, faturayê ceyran û awe zaf yenê. Ma ganî sey verî pê heywanan hêgayan biçînê.

Ez seba ke azad biba agêraya dewe. Metropol de kultur û ziwanê ma benê vîndî, nasnameyê xo ra merdim keweno dûrî. Rixmê hende zehmetîyan zî ez wazena wa her kes abigêro dewa xo.''