Dêrsim de gulike (hêluge) serê dezgehan de cayê xo girewt. Gulike koyanê Dêrsimî ra arê dîyena û sey derman roşîyena.

Gulike Bazarê Dewe yê Organîkî yê Dêrsimî de serê dezgehan de ya.

Murat Kasuno ke gulike arê dano û roşeno vat: ''10 rojî yo gulike vejîyaye. Gulike seba kêmasîya vîtamînan, nêweşîya roqleyan faydeyîn a. Seba ke ekonomî xirab a merdimî hînî herinda 5 kîloyan de tena kîloyêk gênê.''

Îmam Morogluyî zî ard ziwan ke ê bi xo koyan ra arê danê û arêdayîşê ci zaf zehmet o. Morogluyî vat: ''Gulike nêweşîya nefesî rê zî faydeyîn a. Heta peynîya menga nîsane gulike zîl dana.''