Dêrsim, hetê dînî, komelkî-polîtîk, tarîx û cografyaya xo ra wayîrê nasnameyekê xoser o. Dêrsim nê rojan de pê hêrişanê vera cografyaya ci rojdem de yo. Dêrsim menga hamnanî de wareyêko tewr honik o. Dêrsim nê mewsîmî de meymananê xo pêşwazî keno. Na cografyaya rinde ra tay cayî nê yê:

Çemê Munzurî  

Çemê Munzurî ke mabêne Dêrsim û qezaya Pulurî de ca gêno, çem de tewir bi tewirî vaşî benê zergûn û zaf heywanî weye benê. Dêrsim, menga hezîrane de dest bi pêşwazîkerdişê turîstan keno û heta menga êlule ney rê dewam keno. Semedê şîyayîşê Çemê Munzurî , wesayîtî mîyanê şaristanî ra wirzenê û şinê çem raywanan danê ro. Çemo ke dergîya ci 70 kîlo metre ya, bi wesayîtê şêxsî, ganî tabelayê serê rayîrê Pulûrî bêrê teqîbkerdene. La semedê dekewtişê "Parka Milî ya Çemê Munzurî" ganî heqê derbasbîyayîşî bêro dayene.

Çimeyê Munzurî

Çimeyê Munzurî ke 64 kîlometre dûrê şaristanî yê, bi awa xo ya spî kêf danê û qeraxê Koyê Munzurî ra herikîyenê, merdim ewnîyayîşê ci ra mird nêbeno. Çimeyê ke awa ci binê erdî ra vejênê, agêrênê cayê awî û weşikbîyayîşê xo zêde kenê. Semedê şîyayîşê Çimeyê Munzurî zî wesayîtî qezaya Pulurî ra wurzenê ra.

 Çemê Mircanî

Hetêk Çemê Mircanî mîyanê sînorê Çemê Munzurî de maneno. Hetê çemî yê vakurî semedê rayrayîşî baş o û hetê başûr zî semedê seyranî baş o. Çemê Mercanî merkezê Dêrsimî ra bi 63 kîlometreyan dûr o.