Platformê Kede û Demokrasîyî yê Dêrsimî, KCD, TJA, HDP, DBP û Têgêrayîşê Ekolojî yê Mezopotamya  semedê tewrbîyayîşê Rayraşîyayîşê Cûdîyî yo ke do bi şîarê “Ma vera rijnayîşê şerî û talanê xoza rayra şinê” 17ê êlule de bêro kerdene û vera talanê xoza yê Xozatî kombîyayîşê çapemenîye kerd.

Kombîyayîşo ke şubeye KESKî de ame kerdene de bi nameyê platformî Hemşaredarê Pêrî Orhan Çelebîyî qisey kerd. Çelebîyî bale ante vêşnayîş û talanê daristanan ser û vat: “Herêma Xozatî de bi des hezaran darî ameyî birnayene, ameye komurkerdene û rotene. Aşmêka Xozat de bêîhale darî birîyenî. Reyna Şirnex de zî wina darî yenê birnayene. Birnayîşê daranê Xozatî binê çimdarîya Mudirîya Karê Daristanî de yeno kerdene. 17ê êlule de Cizîre de vera talanê daristanan do rayraşîyayîşêk bêro kerdene. Ma zî seba ke nê qirkerdişî rê vajê bes o, tewrê rayraşîyayîşî benê. Seba ke verê nê qirkerdişan bêro girewtene ganî şarê ma vengê xo verz bikero û tewrê çalakîyan bibo.”