Her çiqas hukmatê tirkî xîret keno ke binimno Tirkîya û Vakurê Kurdîstanî de tesîrê krîzê ekonomîkî her ke şino benê xorinêr. Dêrsimijan derheqê mesele de qisey kerd û pare kerd ke ê nêeşkenê debara xo bikerê.

Hemwelatîya bi nameyê Yemoşe Gultekîn da zanayene ke ganî meaşo asgarî tewr tay bibo 5000  hezar TL ke wa merdim pê debara xo bikero. Yemoşe vat: ''Kîloyêkê firingî bîyo 10 TL merdim seni bieşko xo bidevirno? Welat de kar zî çin o.''

Gulbahare Yalçin bale ante ser ke semedê krîzê ekonomîkî karê înan bîyo xirab û vat: ''Merdimê nêeşkenê çîyêkî bihêrînê, ma zî nêeşkenê berhemanê xo biroşê. Janî zaf tesîrê karê ma kerd. Dêrsim de kîrayî zaf vay ê, ez wendekaran rê zî qehirîyena. Ganî wayîrê keyeyî tay birehm bibê.''

Hemwelatîya bîne ya bi nameyê Sultane vat: ''Merdimî sey verî wayîrê ê hêzê ekonomîkî nîyê. Bêkarîye zaf a. Ma her çîyî pê deynî gênê. Ez 20 serrî yo esnafîye kena la encax pê zorî payan ser o vindena.''