Dewa Hesana ya asûrîyan de bi bahaneya 'viraşteşê kuleyan' binê çimdarîya leşkeranê tirkan de darî birîyenê.

Goreyê xebera Ajansê Mezopotamya 27ê temmuze de birîyayîşê daran dest pêkerdo.

Dewa Hesena ya qezaya Silopî serranê 1990an de tedaya dewlete ra amebî vengkerdene. Roniştoxê dewe teda û zorbazîye ra neçare mendî ke dewe war verdê û koçê Ewropa bikerê. La serra 2000î de dewijî agêrayî serê erdê xo.

La dekewtişê dewe de qereqol ame awankerdene, dekewtiş û vejîyayîşê dewe hertim ame kontrolkerdene. Narey cayanê berzan de seba leşker û qoricîyan dest pê viraştişê kuleyan kerd. Hêzanê tirkan seba rayîranê kuleyan dest pê birnayîşê daran kerd.

Dîya zanayene ke leşkerê tirkî dewijan rê gefan wanenê û vanê: ''Şima qebul bikerê zî nêkerê zî eke muxtarê şima nê ewraqanê laziman îmza nêkero, muxtarêko bîn do îmza bikero û ma do daran bibirnê.''

Ame parekerdene ke kesê bi nameyê Şeyhmus Babatî îhaleya daran girewta. Darê ke birîyenê, axpînanê dewijan de birîyenê.