Ocaxê mermerî yê dewa Şexan ê qezaya Payîzava yê Wanî de leşkeran hêrişê dewijan kerdbi û 4 dewijî destbend kerdbî.

Hîkayeya ocaxê mermerî 2003î de dest pêkerdbi. 2018 de xoverdayîşê dewijan ser kewt û fîrmaya DÎMER A.Ş. xebata xo ya ocaxî vindarnaye. Ocaxê mermerî par dewrê şîrketêka bîne SAFBAZ A.Ş ame kerdene û xebate newe ra dest pêkerd.

Mehmet Yucelî pare kerd ke semedo ke ê vera ocaxî vejîyayî şîrkete înan rê zornazîye kerde. Yucelî vat: ''Ma tîya de heywananê xo weye kenê û nika 5 hezar heywanî teber de yê. Ma zaf mexdûr bîyî. Ma pereyan nêwazenê, ma têna heqanê xo wazenê. Hêrişê leşkeran de tûtî birîndar bîyî, guleyî erzîyayî ma ser. 40 keyeyî, 300 kesî mexdûr ê. Ma dewa xo de ocaxê mermerî nêwazenê. Ma wazenê wa her kes na babete de hîsger bo.''

Dewijan ra Îskan Dîlekî vat: ''Ma 2008î ra nata nê ocaxî nêwazenê. Nika ameyî û axûrê ma rijnayî. Înan hêrişê tûtanê ma kerd. Ma dewa xo de nê ocaxî qetî nêwazenê û heta peynî ma do xo ver bidê.''