Partîya Hewzan a Kurdîstanî  bi wesîlya 5ê Hezîrane Roja Dormeyî ya dinya  ofîse xo yê Silêmanî de eşkerayîye daye.

Vervatoxa Partîya Hewzan a Kurdîstanî  Dana Necmedînî da zanayene ke rîyê hêrişanê dewleta tirke yê vera herêma Behdînanî 3 mîlyon darî ameyî çînkerdene.

Necmedînî ard ziwan ke vera nê qirkerdişê daran projeyê înan ê ronayîşê 1 mîlyon daran est o.  Necmedînî vat seba ke dewleta tirke herêmanê Behdînan û Duhok de bi hewayêkê wehşîyî 3 mîlyon darî çîn kerdî, înan Mehkemeya Iraqî û Neteweyê Yewbîyayeyan (NY) de gerre kerdo. Partîya Hewzan a Kurdîstanî veng da hemwelatîyanê herêma Kurdîstanî ke wa semedê pawitişê xozaya Kurdîstanî paştî bidê înan.