Endama Heyetê Rayberdişî yê Komeleya Xoza ya Munzurî (MÇS) Sevîle Dogan derheqê şewatê daristanan ê Kurdîstanî de ANFyî rê qisey kerd.

Dogane derheqê şewatê daristanan ê dewleta tirke de vat: ''Daristanan reyde yeno waştene ke pêro cuya xoza bêra çinkerdene. Coka nê şewatî polîtîk ê. Şewatê daristanan reyde şar zî hacetanê debare ra yenê qerifnayene. Şewatê daristanan û astengkerdişê mudaxeleyan benê sebebê nêrazîbîyayîşê şarî. Şar xîret keno ke verê nê şewatan bigêro. Naye ra nêbîyêne daristanî pê şewatî rant û talanî rê do biameyêne akerdene. Hêrişê vera daristanan, xoza û warê cuye sîstematîk ê. Her projeyê rant û talanî, şewatê daristanan semedê qelsbîyayîşê tewirê şarî ra qewimîyenê. Ganî vera nê kerdişan têkoşîn bêro geşkerdene û rêxistinkerdene.''

Dogane bale ante hêrişanê vera heywanan ê koyîyan ser zî û vat: '' Senî ke ma vera pê îhale û seydwanîye qirkerdişê heywanan têkoşîn kenê ma do vera qirkerdişê 'bêveng û nimiteyî' zî têkoşîn bikerê û vengê xo berz bikerê. Ganî şarê ma vera şewatê daristanan zêdêr hîsger bibo û wayîrê tewirêkî bibo. Ganî selahîyetdarî zî wezîfeyê xo yê pawitişê daristanan bîyarê ca.''