Feronîa endamanê komanê cinîyan ê ezeban ra yew a ke nê cinîyî sey ''Kênayanê Sondwerdeyan'' şinasîyenê. Nê cinîyî emrê xo de nêzewijîyenê û dêrêk de ciwîyenê.

Febronîa serra 284î de dadîya xo ra bîya û a pê 'rindîye, zerrînizmî û ferasetê xo' şaristan de şinasîyayêne. A kênaya waya Bryene bîye û mîyanê komelî de pîl bîye.  

Împarator Dîocletîan (284-305) de komêka leşkeran şawite Mezopotamya. Dima ke nê resayî Nisêbîn pîskopos, rahîb û keşîşî zî tede pêro xirîstîyanî herême ra remenê û koyan de nimnenê.  Labelê Febronîa û xala ci pê bawer kenê ke Homa do înan bipawo. Febronîa wina vana: ''Xalê ez tîya de bimana, ez seba Îsa Mesîhî gonîya xo birijna, xora ney ra ber çîyê mi çin o.''

Birayê Îmraparatorê Roma Selenos û birazîyê ey Lysimachos verî şinê dêrê cinîyan. Leşkerî bire danê ke Rahîbe Febronîa bitepişê. Ê Febronîa benê dewa Hîmoyî ya Qamişloyî. Diecletîan Febronîa rê vano ke xirîstîyanîye ra fek vera bida, Lysimachos bizewija û biba zengîne. La a ney qebul nêkena. Împarator ferman dano ke rahîbe rê îşkence bêro kerdene. Verî çijeyê ci yenê pakerdene, dima destê ci û didanê ci. Îşkence hende beno giran ke şar wazeno verê leşkeran bigêro. Labelê leşkerî goş nêdanê şarî û çermeyê bedenê aye tira kenê, bedenê aye vêşnenê. Êyê ke cesedê cinîya ciwane vînenê mat manenê. Febronîa hende pak û çêr bena ke şar vera Diecletian û leşkeranê ci wurzeno payan ser.

Şar pê hesîyeno ke cayo ke gonîya Feronia rijîyaya ci darî zîl bîyê. Dara verêne verê manastirê Nîsêbînî de, dara diyîne dewa Hîmoyî de ke bedenê ci amebi vêşnayene, dara hîrêyîne zî mabênê Nisêbîn û Hîmoyî de zîl danê. Dara bi nameyê Febronîya baxçeyê manastirê Hîmoyî de ya. Her kes verê na dare de dûayan keno, serê gorê aye de findan visneno ta.

Dêrê Febronia 20ê tebaxa 2004î de hetê sûryanîyan ra dewa Hîmoyî de virazîya.