Fransa de no hewte hewa zaf germ o. Servîsê meteorolojî Meteo-France pare kerd ke başûrrojawanê welatî û Gelîya Rhone de germîye eşkena biresa heta dereceyê 38î. Wina pawîyeno ke germîye do dades rojan wina dewam bikera.

Başûrê Ewropa de germîya zêde ra daristanan de şewat vejîya. Qeraxanê Atlantîkî yê Fransa de bi hezaran merdimî lewatî ra ameyî xelisnayene. Meteorologanê Brîtanya hişyarîye daye ke tay herêman de germîye do 35 derece ra zêdeyêr biba.

Wina pawîyeno ke Almanya de germîye do biresa 36 derece. Beno ke roja dişemeyî herêmanê  Saar, Moselle, Ren, Kurplaz û Kraichgau de germîye do biresa 40 derece û Vakurê Almanya de zî 30 dereceyan ra zêdeyêr biba. Servîsê Rewşa Hewayî yê Almanya (DWD) pare kerd ke herêmanê Almanya de ziwatîye do biqewimîya.

Îtalya de hewteyêkî ra ziwatîye est a. Herêmanê Sîcîlya de asta berze de hişyarîya ziwatîye dîyaye û herêmanê Sardunya de zî rîskê şewatê daristanan est o. 

Germîya zêde ra Spanya û Portekîz zî şewatê daristanan de têrî ameyî. Portekîz de warêkê 3 hezar û 500 hektarî vêşa.