Deşta Zîlane ya qezaya Erdîşî ya Wanî de karê viraştişê Santaralanê Hîdroelektrîkî (HES) prosesê janî de zêdîya. 2 HESî Gelîya Zîlane de 2 HESî zî taxa Ilca de virazîyenê. Şîrketa înşaatî 2014 de bi lezî dest pê karî kerd la roniştoxan gerreyê HESan kerd. Dayîreyê 6. yê Heyetê Şêwirmendîye bira rayaumûmîye vindarnaye. La şîrkete prosesê janî de newe ra dest pê viraştişê HESan kerd.

Gelîya Zîlane de verî zî temmuza 1930î de qirkerdişêko pîl qewimîyabi û 30 hezar kurdî nê qirkerdişî de ameybî qetilkerdene.

Vervatoxê Platformê Ekolojî yê Zîlane Şahabettîn Demîr viraştişê HESan sey 'Qirkerdişê Zîlane yê 2.' pênase kerd û vat: ''Herêma Zîlane de bi seyan gandarî ciwîyenê, nebatê ci zengîn o, tede xeylêk xebatê endemîkî estê. Pê HESan sîstemê qoricîtîye yeno pîlkerdene û şarî rê koçberîye yena ferzkerdene. No seba ma manadar o. Hema Qirkerdişê Zîlane vîran ra nêşîyo.''

Demîrî da zanayene ke wextê îktîdarê AKPyî de talanê xoza zêdîyayo û vat: ''Dewaya ma ya vera HESan dewam kena. Cendirmeyî zî şarî rê gef wanenê. Ma têgêrayîşanê xoza reyde têkilîye ronaye. Şar Zîlane de vera HESan zaf hêrsbîyaye yo. Tîya de qirkerdişêk ame kerdene. Şarê ma qet na bira HESan nêşinasneno.''