Mevlan Tekçeyo ke 22 serrî yo Colemêrg de karê viraştişê sobeyan keno rixmê krîzê ekonomîkî zî xîret keno ke karê xo bido dewamkerdene. Tekçe seba ke sobeyî debara ci rê nevejîyenê, hamnanan zî semawer û mangalan virazeno.

Tekçeyî ard ziwan ke verî 5 kesan şaristan de karê viraştişê sobeyan kerdêne la nika o têna yo. Tekçeyî îfade kerd ke seba ke o debara xo bikero hamnana zî semawer û mangalan zî virazeno.

Tekçeyî vat: ''Herêma ma de merdimî koyî ra zaf hes kenê coka ez hamnanan tim semaweran virazena. Nika amadekarîyê zimistanî dest pêkerdî coka ez nika sobeyan virazena. Nê karî de madeya ma ya esase sac a, ma pê makîneyan şikl danê sacan. Ma xîret kenê ke nê karî neqlê neslanê bînan bikerê. Yew semawer 180 lîra ra dest pêkeno. Hema fîyatê sobeyan eşkera nêbi. Nika 600 lîra yo. La beno ke no fîyat do bizêdîyo.''