Çeteyê Artêşa Mîlî ya Sûrîye (SMO) 8ê kanûne ra nata bêmabên hêrişê herêma Awbendê Tişrînî kenê. Vera nê hêrişan YPJ, QSD û Meclîsê Leşkerî yê Minbicî Hemleya Minbicî ya Şehîd Ezîz Erebî daye destpêkerdene. Şervanan çarçewaya na helme de dewê Xirbêt Tuwêna û Mehtîşî Tewahînî yê qezaya Ebû Qelqelî ya ke vakûrê Awbendê Tişrînî de ya, çeteyanê dewleta tirke ra kerdî pak.

Fermandaranê cepheyê Awbendê Tişrînî ra Hecî Hesekê ard ziwan ke xoverdayîşê Tişrînî 22 rojî yo dewam keno û nê vatî: ''Ma vera îşxalkeran xoverdayîşê tarîxî danê û bi moralê girdî hêrişan şiknenê. 22 rojî yo îşxalkerî nêeşkayî biresê awbendî. Her roje bi xeberanê zûran wazenê şarî bixapînê la waştişê înan nêame caardene. Şarê ma şahîdê xoverdayîşê Tişrînî yo. Heta ke Tişrîn de yew şervan bimano do beraqa xoverdayîşî nêro war. Na beyraqa xoverdayîşî do tim bêra têşanayene. Bawerî û moralê ma tam o. Ma do îşxalkeran ser û bin bikerê. Rixmê teknîkê înan şervanê xoverdayîşî rê hazir ê. Ma do xoverdayîşî cameverdê.''