Wextanê peyênan de varayîş de herêma Zîlane ya Erdîşî de, Bendîmahî ya Bêgirî û herêma Kanîsipî ya Şaxî de laser werişt. Laseran de heywanî telef bîyî, keye û axurî rijîyayî û axpînî binê awe de mendî.

Serekê Komeleya Dormeyî yê Wanî (Van Çev-Der) Alî Kalçikî îfade kerd ke ganî çemî bi hawayêkê tabîyî bihêrikê û vat: ''Eke ti sîstemê xoza bixeripne xoza zî qat bi qat zêdêr cewab dana to. Xoza qesasê xo gêna.''

Kalçikî pare kerd ke wextanê peyênan de Qers, Erdexan, Agirî û Wan de felaketê xoza qewimîyayî û vat: ''Pê HESê Zîlane awe kenê meta. Seba ke bineyna qezenç bikerê xoza çin kenê. Wan de bi seyan HES û DSÎ estê. Pê rayîrê HESan xoza herimnenê. Êyê ke wazenê bineyna qezenç bikerê, êyê ke çemanê herême herimnenê, hêz ê ke binê nameyê berardişê enerjî de nê kerdişan anê ca. La na herême de enerjî eşkîyena bêra newekerdene.''