Hewzaya Gola Wanî de xeylêk gandarî û nebatê endemîkî est ê. La HES û awbendan ra hewza binê tehlukeyê çinbîyayîşî de ya.

Qezayanê Erdîş, Bêgir, Westan û Norşînî yê Wanî de xeylêk çeman ser de HES û awbendî virazîyayî. Nê Santralê Hîdroelektrîkî (HES) û awbendî gandaran rê benê tehluke û rayîrê înan ê koçî asteng kenê.

AKPyî dormeyê Gola Wanî de tewr tay 40 HES û awbendî viraştî, herême vurnaye warê rantî. Çemê koyanê Erdîş, Çardêran, Bêgir, Westanî herikîyenê Gola Wanî la bi rantî yenê talankerdene. Çemî HES û awbendan ra benê ziwa, heywan û nebatî zî nê semedî ra mirenê.

Çemê Zîlane yê Erdişî sere de maseyanê Gola Wanî xeylêk gandar û nebatan rê meymandarîye keno. Mabênê 14ê nîsane û 15ê temmuze de maseyê Gola Wanî Zîlane ra koç kenê ke hakan bikerê. La HES û awbendan ra awa çemî jehrî û ziwa bena. Coka maseyî nêeşkenê hakan bikerê û rayîrê înan ê koçî zî gêrîyenê.

Çemê Behdîmahî yê Çardêran û Bêgirî zî bîyê qurbanê HESan. Çem de heta nika bi hawayêkê komkî bi hezaran maseyî merdî.