Menga Xizirî dest pêkerde. Qezaya Qisle ya Dêrsimî de Jîyarge û Cemxaneyê Duzgun Babayî de menga Xizirî ameye fîrazkerdene. Xeylêk hemwelatîyî tewrê şayîye bîyî. Şayîye pê gulbangê Pîr Cemal Canî dest pêkerd. Şayîye de çilayî ameyî tasvistene, deyîrî ameyî vatene, kavutê Xizirî, loqma û qurbanî ameyî vilakerdene. Şayîye de Cemê Xizirî zî ame girêdayene.

Serekê Cemxaneyê Duzgun Babayî Sînan Kirmiziçîçekî şayîye de qisey kerd û da zanayene ke 50 ra dima reya verêne înan Cemxaneyê Duzgun Babayî de cem girê dayo. Kirmiziçîçekî bale ante ser ke Dêrsim de tarîqatî xo rêxistin kenê û vat: ''Ganî ma vera nînan wayîrê kultur, cayanê fîrazan, bawerîya xo vejîyê.''