KCDK-E vera modernîteya kapîtalîste ya ke wazena xoza talan bika venga her kesî da ke wa tewrê grevê îklîmî yê golabî bibo û îfadee kerd ke "Na roje de ke rastê xapînayîşê 'Black Friday' ameye talankerdişê sîstemê kapîtalîstî do bêro teşhîrkerdene.
Dîwanê Hemserekîye ya KCDK-E derheqê grevê îklîmî de beyanatêk weşana. Beyanatê KCDK-E wina yo:
"Seba ke grevê îklîmî emser rastê Black Fridayî ame ke sextekarîya bazarê sîstemê kapîtalîstî yo hînî manadar o. Nawnayîşkerê dinya do wurzê payan ser û seba na dinya û îklîmî waştişê edaletî bikê.
Seba nê grevê îklîmî yê antîkapîtalîstî girîng o ke kurdîstanijî, ekolojîstî, cinîyê azadîwaştoxî û her kes tewrê grevî bibê. Rayraşîyayîşê 2. ê Grevê Îklîmî do 2ê kanûne de Madrîdî de dest pêbiko. 2ê kanûne de Madrîdî de derheqê vurnayîşê îklîmî de kombîyayîşêko pîl zî do bêro kerdene.
Kurdîstanijê Ewropa ganî bi hawayêkê xurtî tewrê çalakîyanê Grevê Îklîmî yê Globalî bibê. Heman wextî de talankerîya sîstemê kapîtalîstî zî do bêra teşhîrkerdene. Bi nameyê KCDK-E ma venga kurdîstanijan kenê ke vera mêtingerîye û xesarê xozayî yê modernîteya kapîtalîste tewrê çalakîyan bibê."
