KNKyî bi mesajêk Roşanê Êzîyî yê êzidîyan fîraz kerd û waşt ke no roşan bibo wesîleya aramî, azadî û wayûbiratîya şaran.

KNKyî mesajê xo de ard ziwan ke Roşanê Êzîyî manadar û xeylêk kahan o. KNKyî bale ante hêrişanê vera Şingalî û peymana Şingalî ser û da zanayene ke ganî êzidîyî vera nê kerdişan tewirê xo bimojnê.

KNKyî bi wesîleya Roşanê Êzîyî venga pêro êzidîyan da ke wayîrê Şingalî û destkewteyanê Şingalî vejîyê, Êzidxan bipawê, yewîya xo ronê, abigêrê erdê xo ser û wayîrê kultur û bawerîya xo vejîyê.

Hetê bînî ra dezgehanê kurdan ê sey KCÊE, SMGÊ û KCDK-E zî bi mesajan Roşanê Êzîyî yê êzidîyan fîraz kerd û venga êzidîyan da ke wayîrê xoverdayîşê Şingalî vejîyê.