Xebatkarê citkarî yê ke bi kîlometrayan keyeyanê xo ra dûrî de xebityene raştê nêheqîya girde yenê. Xebatkarî vera  keda girde destmizo şenik gênê û heqê înan yenê binpaykerdene.

Bitaybetî menganê hamnanî de Kursitanî ra xebatkarê citkarî yê serrewextî verê xo danê metropolanê Tirkîya. Nê bajaran ra yewê zî Manasa yo. Mevla Yildiz a 24 serrî ya ke Amed ra şîya Manîsa derheqê zehmetîyanê ke ancenî de ANF’yî qisey kerd. Mevla ke mezûnê unîversîte ya nê vatî: ’’Şertê xebatê ma û koleyanê şerî heme hema seciyê. Koleyî bizor cayî înan ra yenê vetene,  ma zî mecbûr yenê tîya. Ma bi mirdîya pîzeyî xebityenê û patronî karê ma zî nêecibyenê. Çew eşkeno vajo ke rewşa ma sey koletîya modernî ya. Ma nêeşkenê Amed de citkarî  heywankarîye bikero. Fatûraya krîzê ekonomî zî ma rê biryaye û ma sey multecîyan erdê xo ra dûrî kewtê. Ekîbê ma  de 20-30 kesî estî. Ma yew keyê de manenê. Ma zaf karê kenê û destmizêko şenik gênê û heme heqê ma yê bingeyêne yenî bipaykerdene. Esasî de hema zaf çî estî ez vajî la ez bawer nêkena ke kes wazenê nînan goştarî bikero.’’